യുവേഫ ചാംപ്യന്‍സ് ലീഗ് 2025-26 സീസണില്‍ ചെല്‍സിക്ക് നിരാശയോടെ തുടക്കം. സീസണിലെ ആദ്യ പോരാട്ടത്തില്‍ ബയേണ്‍ മ്യൂണിക്കിനെതിരെ നീലപ്പട പരാജയം വഴങ്ങുകയായിരുന്നു. ഒന്നിനെതിരെ മൂന്ന് ഗോളുകള്‍ക്കാണ് ബയേണ്‍ ചെല്‍സിയെ കീഴടക്കിയത്.
സ്വന്തം തട്ടകത്തില്‍ നടന്ന മത്സരത്തില്‍ ബയേണ്‍ മ്യൂണിക്കാണ് ആദ്യം ലീഡെടുത്തത്. ചെല്‍സിയുടെ ട്രെവോ ചലോബയുടെ ഓണ്‍ഗോളാണ് ബയേണിന്റെ അക്കൗണ്ടില്‍ ആദ്യം കുറിക്കപ്പെട്ടത്. 27-ാം മിനിറ്റില്‍ പെനാല്‍റ്റി ഗോളാക്കി ഹാരി കെയ്ന്‍ ബയേണിന്റെ ലീഡ് ഇരട്ടിയാക്കി.
എന്നാല്‍ രണ്ട് മിനിറ്റുകള്‍ക്കുള്ളില്‍ ചെല്‍സി ഒരു ഗോള്‍ തിരിച്ചടിച്ചു. 29-ാം മിനിറ്റില്‍ കോള്‍ പാമറാണ് ചെല്‍സിക്ക് വേണ്ടി വലകുലുക്കിയത്. എന്നാല്‍ 63-ാം മിനിറ്റില്‍ ഹാരി കെയ്ന്‍ ഒരു ഗോള്‍ നേടിയതോടെ ബയേണ്‍ വിജയമുറപ്പിച്ചു.
Content Highlights: UEFA Champions League 2025-26: Bayern Munich beats Chelsea